Idman.biz
Şimali Makedoniyanın paytaxtı Skopyedə keçirilən güləş üzrə U17 Avropa çempionatı bu gün başa çatacaq.
İdman.biz xəbər verir ki, yarışın son günündə Azərbaycanın medal şanslarını qoruyan dörd sərbəst güləşçimiz döşək üzərinə çıxacaq.
Həsən Həsənov (60 kq) finalda Zorab Aloyevə (Ukrayna) 4:5 hesabı ilə məğlub olaraq U17 Avropa çempionatının gümüş mükafatçısı olub.
Səid Paşayev (92 kq) də finalda mübarizə aparacaq.
Təsəlliverici mərhələdə Bugra Kavaka (Türkiyə) 2:1 hesabı ilə qalib gələn Ramal Mirhüseynov (51 kq) isə daha sonra Vahan Azaryanı (Ermənistan) 10:6 hesabı ilə məğlub edərək U17 Avropa çempionatının bürünc medalını qazanıb.
Ömər Usubov (45 kq) da bürünc medal uğrunda mübarizəsini davam etdirir.
Hazırda Azərbaycan komandasının hesabında 9 medal - 4 qızıl, 1 gümüş və 4 bürünc var. Rihad İbrahimli (110 kq), Əbdülrəhman Hüseynli (45 kq), Rəvan Həsənzadə (48 kq) və Ruslan Əlizadə (55 kq) Avropa çempionu olublar. Əli Nəzərov (60 kq) gümüş, Qurban Məcnunov (48 kq), Nicat Yeylaqaliyev (80 kq), Nəzrin Əhmədli (46 kq) və Hakim Tağıyev (110 kq) bürünc mükafatçı olublar.
