İdman.biz
Bakıda keçirilən güləş üzrə U-23 Avropa çempionatı davam edir.
İdman.biz xəbər verir ki, bu gün sərbəst güləşçilərin yarışında ilk medalçılar bəlli olacaq.
57 kq, 65 kq, 70 kq, 79 kq və 97 kq çəkidə medallar uğrunda qarşılaşmalar baş tutacaq. Azərbaycan millisinin 2 pəhləvanı final, biri təsəlliverici mərhələdə mübarizə aparacaq.
Sərbəst güləş
70 kq
Kənan Heybətov çempionluq üçün İnalbek Şeriyevlə (AİN) güləşəcək.
79 kq
Ali Tsokayev də finalda qüvvəsini sınayacaq. O, Georgios Kouqioumtsidislə (Yunanıstan) qarşılaşacaq.
97 kq
Rəvan Musayev təsəlliverici görüşə çıxacaq. Onun rəqibi Georgian Tripon (Rumıniya) olacaq.
Qeyd edək ki, sərbəst güləşin digər 5 çəkisində yarışa bu gün start veriləcək.
İdman.biz
