İdman.biz
Bolqarıstanın "Vasil Levski" adına Milli İdman Akademiyasının professoru və idmançısı Daniela Daşova bədii gimnastika üzrə məşqçilərimizə seminar keçib.
İdman.biz xəbər verir ki, təlim Milli Gimnastika Arenasında təşkil olunub.
Seminar zamanı professor müasir gimnastika metodları, məşq prosesində diqqət yetirilməsi vacib olan nüanslar və beynəlxalq yarışlara hazırlıq mövzularında dəyərli bilik və təcrübələrini bölüşüb.
Bu seminar ölkəmizdə bədii gimnastika sahəsində çalışan məşqçilərin peşəkar inkişafına böyük töhfə verməklə yanaşı, Azərbaycan gimnastikasının gələcək uğurlarına dəstək məqsədi daşıyır.
İdman.biz
