top
Çempion: “Taekvandoçu olmasaydım, futbolla məşğul olacaqdım” Sport24.az
17 oktyabr 2024, 19:57
- +

Çempion: “Taekvandoçu olmasaydım, futbolla məşğul olacaqdım”

Paris-2024 Yay Paralimpiya oyunlarının qalibi, parataekvandoçu İmaməddin Xəlilov "Kəpəz"in saytına müsahibə verib. Sport24.az xəbər verir ki, çempion müsahibəsində bunları deyib:

 

– Ənənəvi sualla başlamaq istərdik. İmaməddin, sən də futbolçu olmaq istəmisən?

– Təbii ki, taekvandoçu olmasaydım, sizi əmin edirəm ki, futbolla məşğul olacaqdım. Çünki ürəyimdə futbola, "Kəpəz"ə sevgi var. Uşaqlıqdan sevimli komandamızın oyununa baxa-baxa futbolun vurğunu olmuşam. "Kəpəz"in səfər oyunlarına da gedərək izləmişəm. Bir gəncəli kimi bu komandaya azarkeşlik edirəm.

 

– Parisdə çempion adını qazananda klub olaraq səninlə çox qürurlandıq…

– "Kəpəz"in sosial şəbəkələrdəki səhifələrini daimi izləyirəm, paylaşımları bəyənirəm. Çempion olanda mənimlə bağlı poster paylaşılmışdı. Doğrusu, mənim üçün sürpriz oldu. Azarkeşlik etdiyim komanda məni yaddan çıxartmamışdı. Sevincinə şərik olduğum klub bu dəfə mənim uğuruma sevindiyini nümayiş etdirmişdi. Çox qürurlandım. Mənim üçün çox sevindirici idi.

 

– Boş vaxtlarında yəqin ki, futbol oynayırsan.

– Bəli, milli komandada təlim-məşq toplanışları dövründə yığma üzvləri ilə tez-tez futbol oynayırıq. Millidə tək gəncəli olaraq "Kəpəz" azarkeşi kimi tanınıram. Bizdə "Qarabağ"a, "Neftçi"yə və "Sabah"a azarkeşlik edən uşaqlar var. Çempionat oyunları zamanı komandalarımız qarşılaşanda bir-birimizə qıcıq veririk. Özümüz oynayanda "Kəpəz"in formasını geyinib meydana çıxıram. Bundan sonra klub tərəfindən hədiyyə verilən və adım əks olunan forma ilə oynayacağam. Bizdə bir nəfər vardı, inad göstərərək bütün idmançılara "Neftçi"nin formasını hədiyyə vermişdi. Amma mən götürmədim (gülür).

 

– Komanda ilə görüşməyin səndə hansı təəssüratlar yaratdı?

– Açığı, zəng olunub kluba dəvət ediləndə çox sevindim. Azarkeşlik etdiyim komandanın üzvləri ilə meydançada görüşmək çox xoş oldu. Bəzi hisslər var ki, onları sözlə ifadə etmək olmur. O anları yaşadım. Bir azarkeşin arzusu gerçəkləşdi. Akademiyanın binası, şəraiti, məşq meydançaları ilə tanış oldum. Yeni stadion tikilir. Bütün bunlar Gəncədə futbolun inkişafına dəstək verəcək. Şəhərimizdə həmişə istedadlı futbolçular olub. Onların inkişafı üçün bazaya ehtiyac vardı. Köhnə stadionda betonun üstündə otururduq. Sonra arenanın bir qisminə plastik oturacaqlar quraşdırıldı. Amma şərait o deyildi. "Kəpəz" azarkeşi olaraq ən pis təsir edən məqam illər öncə Avroliqa oyunumuzu Bakıda keçirməyimiz oldu. Onda da tribunalarda istədiyimiz qədər azarkeş toplaşmamışdı. Oyun Gəncədə keçirilsəydi, stadion tam dolardı. Nəticələr də başqa cür olardı. Həmin vaxt çox pis olmuşdum. Avropa səviyyəli stadionun tikilməsi bu problemi həll edəcək. Gəncədə oynamaq tamam başqa mənzərə yaradacaq. Daxili çempionat oyunlarında ən çox azarkeş bizim komandanın matçlarına gəlir. Dolu tribunalar önündə oynamaq komandaya ayrıca motivasiya verir.

 

– Komanda ilə görüşəndə bu mövsümə nəzər salıb uşaqlara ürək-dirək verdin. Onları motivasiya etməyə çalışdın.

– İdmançı olaraq özümün də başıma belə şeylər gəlib. 7 il boyunca heç bir yarışda uğur qazanmadım. Amma ruhdan da düşmədim. Nəticə əldə etdikdən sonra uğurlarım ardıcıl gəlməyə başladı. Mən də komandanı belə görmək istəyirəm. 8 turdan sonra tilsimi qırdıq. Bunun ardı gəlməlidir. Derbidə "Neftçi"ni məğlub etdik. Əzəli rəqabətə yaraşan matç oldu. İki möhtəşəm qol vurduq. Məncə, Mahamadu Banın zərbəsi mövsümün qolu ola bilər. Növbəti oyunlarda daha güclü "Kəpəz" görəcəyik. Futbolçuların özünə inamı artacaq.

 

– Son olaraq gəncəli azarkeşlərə hansı çağırışı edə bilərsən?

– Gəncədə "Kəpəz"dən başqa bir komandaya azarkeşlik edən bəlkə də yoxdu. Komanda uğursuz mövsüm keçirə bilər. Amma bu o demək deyil ki, sən bir azarkeş kimi oyunlara getməməlisən, dəstək olmamalısan. Əksinə, əsl azarkeş komandanın pis vaxtında da yanında olmalıdır. Yaxşı günlərdə onsuz da hamı gəlir. Əsas uğursuzluq olanda dəstək vermək lazımdır. Hamını komandaya dəstək olmağa çağırıram.

Qarabağ FK

Son xəbərlər

Futbol
Bu gün, 07:42

"Qarabağ" İrlandiyada "Linfild"i darmadağın etdi: Oyunun videoicmalı

Futbol
Bu gün, 07:36

"Zirə" - "Hayduk": Bərabərlik və Videoicmal (Azərbaycanca)

Futbol
Bu gün, 07:11

Konfrans Liqası II təsnifat mərhələsinin ilk oyunlarının nəticələri

Digər
Bu gün, 05:15

İdman Zamanı Kofein İstilik Şəraitində Uzunmüddətli Performansı Artıra Bilər

Futbol
Bu gün, 02:12

Joao Palinyanın "Tottenhem"ə Transferi İddiası

Futbol
Bu gün, 01:44

"Sabah"ın baş məşqçisindən "Petrokub" oyunu öncəsi: "Nəticəni xırda detallar həll edir"

Futbol
Bu gün, 01:32

"Sabah"ın baş məşqçisi "Petrokub" oyunu və "Sele" ilə matçlar barədə danışıb

Futbol
Bu gün, 01:25

Qurban Qurbanov "Şelburn"la oyundan sonra: "Çox vacib qalibiyyət idi, cavab görüşünə daha ciddi hazırlaşmalıyıq"

Futbol
Bu gün, 01:12

Qurban Qurbanov "Şelburn" üzərindəki 3:0 hesablı qələbənin reallaşmış üstünlük olmadığını dedi

Basketbol
Bu gün, 01:12

Evan Furnye "Olimpiakos"da qaldı: Yeni müqavilə 2028-ci ilə kimi

Futbol
Bu gün, 01:00

Qurban Qurbanov: "Bakıdakı oyunda da diqqətli olmalıyıq"

Futbol
Bu gün, 00:42

Çempionlar Liqası: "Qarabağ" İrlandiyada "Şelburn"u məğlub etdi

Futbol
Bu gün, 00:37

"Qarabağ" İrlandiyada "Şelburn"u darmadağın etdi: 3-0

Futbol
Bu gün, 00:36

Çempionlar Liqası: "Qarabağ" "Şelburn" üzərində qələbə qazandı - YENİLƏNİR

Futbol
Bu gün, 00:30

"Qarabağ" "Şelburn" səfərində: Qollar, Hesab və Oyundakı Son Durum - YENİLƏNİB

Futbol
Bu gün, 00:26

Çempionlar Liqası: "Qarabağ" - "Şelburn" matçında hesab açıldı, ikinci qol vuruldu və ilk hissə başa çatdı - YENİLƏNİB-4

Futbol
Bu gün, 00:23

"Qarabağ" "Şelburn"u səfərdə məğlub etdi: 0-1

Olimpiada
Bu gün, 00:18

Avropa Gənclər Yay Olimpiya Festivalında cüdoçularımız 3 medal qazanıb: 2 gümüş, 1 bürünc

Futbol
Bu gün, 00:00

"Qarabağ" "Şelburn"u məğlub etdi

Futbol
Dünən, 23:59

Valdas Dambrauskas "Petrokub" oyunu öncəsi fikirlərini bölüşdü

Tennis
Dünən, 23:55

Karlos Alkaras reytinqdə birinci pilləyə yüksəlmək niyyətindədir

Futbol
Dünən, 23:53

"Qarabağ" "Şelburn"a qalib gəldi: Hesab 0:1

Futbol
Dünən, 23:49

"Şelburn" - "Qarabağ" matçı: Hesab açılıb, ilk hissə başa çatıb, ikinci hissə başlayıb - YENİLƏNİB

Futbol
Dünən, 23:34

"Qarabağ" "Şelburn"u səfərdə məğlub etdi: Çempionlar Liqası startı

Oxşar xəbərlər