İdman.biz
İspaniyanın Pontevedra şəhərində güləş üzrə U-20 dünya çempionatı davam edir.
İdman.biz xəbər verir ki, yarışın ikinci günündə yunan-Roma güləşçiləri medal uğrunda daha 3 çəkidə xalçaya çıxıblar.
İki güləşçimiz təsnifat, biri isə 1/8 finalda mübarizəyə qoşulub.
U-20 dünya çempionatı
Yunan-Roma güləşi
67 kq
Təsnifat mərhələsi
Təvəkkül Həziyev ilk rəqibi Bayaman Karimovu (Qırğızıstan) 10:0 hesabı ilə məğlub edib. O, növbəti mübarizədə yaponiyalı Kajiro Haseqava 3:7 hesabı ilə uduzub.
72 kq
Təsnifat mərhələsi
Ruslan Nurullayev ilk görüşdə moldovalı Vasile Zabikanı 9:1 hesabı ilə məğlub edib. O, növbəti mərhələlərdə hindistanlı Aakaş Punianı (5:3), xorvatiyalı Luka İvançiçi (8:0) mübarizədən kənarlaşdırıb. Ruslan yarımfinalda ermənistanlı Aşot Xaçataryanla güləşib və 1:4 hesabı ilə uduzub.
82 kq
1/8 final
İsmayıl Rzayev 1/8 Mohammad Yadollaha (İran) 13:4 hesabı ilə qalib gəlib. Təmsilçimiz 1/4 finalda Abdurahman Abdulakdırova (AİN) 0:11 hesabı ilə uduzub.
97 kq
Təsnifat mərhələsi
Mikayıl İsmayılov dünya çempionatının ilk görüşündə meksikalı Dorian Emmanueli 5:2 hesabı ilə məğlub edib. O, 1/8 finalda iranlı Hamidreza Morteza Keştkarla 0:7 hesablı ilə uduzub.
Qeyd edək ki, Azərbaycan yığması mundialda 25 idmançı ilə təmsil olunacaq. Dünya çempionatına sentyabrın 8-də yekun vurulacaq.
İdman.biz
