Bakıda keçirilən güləş üzrə U-23 Avropa çempionatı davam edir.
İdman.biz xəbər verir ki, bu gün sərbəst güləşçilər daha 5 çəkidə mübarizəyə başlayacaq.
61 kq, 74 kq, 86 kq, 92 kq və 125 kq çəkidə medal görüşlərinin iştirakçıları bəlli olacaq. Azərbaycan millisinin 5 pəhləvanı da xalça üzərinə çıxacaq.
Sərbəst güləş
61 kq
Nurəddin Novruzov mübarizəyə 1/4 finalda başlayıb. O, Dario Ditrixə (Almaniya) 10:0 hesabı ilə qalib gələrək yarımfinala yüksəlib. Güləşçimizin Mikita Abramova (Ukrayna) 12:15 hesabı ilə uduzub. O, bürünc medal uğrunda qarşılaşmaya çıxacaq.
74 kq
Cəbrayıl Hacıyev 1/8 finalda İvan Stoyanova (Bolqarıstan) qalib gəlib. İdmançımız 1/4 finalda Teoçaris Kouqioumitsidisi (Yunanıstan) 10:1 hesabı ilə məğlub edib. Onun yarımfinaldakı rəqibi Luka Çxitunidze (Gürcüstan) olub. 7:4 hesablı qələbəyə sevinən güləşçimiz finala adlayıb. O, qızıl uğrunda qarşılaşmada Kamil Abdulvahabovla (AİN) üz-üzə gələcək.
86 kq
Arseni Cioev 1/8 finalda Damian Korbusu (Polşa) üstələyib. O, 1/4 finalda Coşua Morodionla (Almaniya) görüşdə 7:2 hesablı qələbə qazanaraq yarımfinala adlayıb. Onun rəqibi Arslan Baqayev (AİN) olacaq.
92 kq
Anar Cəfərli 1/8 finalda Kriştian Angyalla (Macarıstan) güləşib. İdmançımız 8:1 hesabı ilə qalib gəlib. O, 1/4 finalda on İon Demiana (Moldova) 3:4 hesabı ilə məğlub olub.
125 kq
Yusif Dursunov 1/4 finalda Milan Korsoqla (Macarıstan) qarşılaşıb. Güləşçimiz 1:4 hesabı ilə uduzub.
Qeyd edək ki, qitə çempionatına sabah yekun vurulacaq.
İdman.biz