İdman.biz
Dünən İspaniyanın Pontevedra şəhərində güləş üzrə U-20 dünya çempionatı start götürüb.
İdman.biz xəbər verir ki, bu gün mundialda yunan-Roma güləşçilər arasında ilk mükafatçılar bəlli olacaq.
Medallar uğrunda 2 güləşçimiz mübarizə aparacaq.
U-20 dünya çempionatı
Yunan-Roma güləşi
5️5 kq
1/4 finalda uduzan Rahim Həsənov təsəlliverici görüşdə Huoyuniq Şiyə qalib gəlib. Təmsilçimiz bürünc uğrunda Alibek Amirovla (AİN) qarşılaşıb və 10:0 hesabı ilə üstün olub.
87 kq
Cocu Səmədov mübarizəyə 1/8 finaldan start verib. O, əvvəlcə serbiyalı Andriya Mihayloviçi (5:1), sonra ermənistanlı Ruben Gevorgyanı (3:1) məğlub edib. Səmədov yarımfinalda Temirlan Turdakinlə (Qazaxıstan) qarşılaşıb. Rəqibinə 4:2 hesabı ilə qalib gələn idmançımız həlledici döyüşə vəsiqə qazanıb. Finalda onun rəqibi Asan Janişov (Qırğızıstan) olacaq.
Qeyd edək ki, Azərbaycan yığması mundialda 25 idmançı ilə təmsil olunacaq. Dünya çempionatına sentyabrın 8-də yekun vurulacaq.
İdman.biz
