Idman.biz
İdman gimnastikası üzrə Azərbaycan millisi Almaniyanın Leypsiq şəhərində keçiriləcək Avropa çempionatı üçün heyətini müəyyənləşdirib.
İdman.biz xəbər verir ki, komandada halqalarla hərəkətlərdə Dünya kubokunun qalibi, ötənilki Avropa çempionatının gümüş mükafatçısı Nikita Simonov, həmçinin İvan Tixonov, Rəsul Əhmədzadə, Mənsum Səfərov, Murad Ağarzayev və Dəniz Əliyeva yer alıblar.
Ümumilikdə qitə turnirində 37 ölkənin idmançıları çıxış edəcəklər. Kişilərin yarışında 165, qadınlarda isə 136 gimnast bacarığını mümayiş etdirəcək.
İlk dəfə olaraq 2028-ci il Olimpiadasının proqramına daxil olan qarışıq komanda turnirində medallar uğrunda mübarizə gedəcək.
Qeyd edək ki, Avropa çempionatı mayın 26-31-də keçiriləcək.
İdman.biz
