Idman.biz
"Yarış ab-havası çox gözəldir".
Bunu İdman.biz-ə Azərbaycan millisinin akrobatı Raziyə Seyidli deyib.
Gimnast Lüksemburqda keçirilən Avropa çempionatındakı çıxışını dəyərləndirib. Qarışıq cütlüklərdə temp hərəkətlərində Ağasif Rəhimovla birgə qızıl medal qazanan Seyidli titullarını qoruduqları üçün xoşbəxt olduğunu bildirib: "Bu yarışa çox ciddi hazırlaşmışdıq. Dünən temp hərəkətlərində çıxış etdik. Nəticəmiz yaxşı oldu. Birinci pillənin sahibi kimi final mərhələsinə yüksəldik. Həlledici çıxışda da yüksək xalla birinciliyimizi qoruya bildik. Ancaq yarış hələ bitməyib. Bundan sonra üç günümüz qalıb. İki medal şansımız var. Əlimizdən gələni edəcəyik ki, onlar da qızıl olsun".
Qeyd edək ki, 23 ölkədən 359 idmançının qatıldığı akrobatika üzrə Avropa çempionatına aprelin 20-də yekun vurulacaq.
Aytac Sahəd
İdman.biz
