Sport24.az
Premyer Liqanın son turunda "doğma divarlar" arasında "Səbail"i məğlub edən "Zirə" həm çempionatın gümüş mdeallarına sahib çıxdı, həm də Avropa Liqasına vəsiqəni təmin etdi. "Dənizçilər"lə qarşılaşmadan sonra "qartallar"ın kapitanı Qismət Alıyev Sport24.az-ın suallarını cavablandırıb.
- Çempionatın son oyunu ilə bağlı təəssüratlarını bölüşərdin...
- Çox gərfin matç keçdi. Qələbəyə köklənmişdik. Məqsədimiz Premyer Liqa yoluyla avrokuboklara vəsiqəni təmin etmək idi. Şükürlər olsun, bu gün həm qələbə qazandıq, həm 2-ci pilləni tutmaqla qitəmiqyaslı yarışlara vəsiqəni təmin etdik.
- Başa çatan "futbol ili"ni "Zirə" üçün necə xarakterizə edərdin?
- Mövsümə yaxşı başladıq. İlk dövrəni lider kimi tamamladıq. Amma ikinci dövrə uğursuzluqla yadda qaldı. 10 oyun qələbəsizlik seriya yaşadıq. Bir çox komandalar kimi bizdə "qara zolağ"a düşmüşdük. Amma kollektiv olaraq özümüzdə güc tapdıq və bataqlıqdan çıxdıq. Əsas o idi ki, qarşımıza qoyduğumuz məqsədə çatacağımıza inanırdıq.
- Hücumçu olmasan da, bu il çox fərqləndin...
- Bəli, bu il rəqib qapıçılarını çox məyus etdim. Amma qarşıma bombardir olmaq hədəfi qoymamışdım. Hər oyunda qol vurmağım mənim üçün sevinc deyil. Vurduğum qollar komandamı uğura daşıyanda xoşbəxt oluram.
- "Zirə" üçün "futbol ili" bitməyib. Qarşıda sizi kubokun final matçı, "Qarabağ"la oyun gözləyir. Son çempionla oyunda nəyə ümid edirsiz?
- Rəqibimizin kimliyi haqqında artıq sözə ehtiyac yoxdu. Tək Azərbaycan yox, Avropa "Qarabağ"ın gücünə bələddi. Amma Ağdam təmsilçisində qorxumuruq, onlara qarşı layiqli mübarizə aparıb mövsümü titulla başa vurmaq istəyirik.
ABDULLA İSMAYILOĞLU
