top
Zirə baş məşqçisi Rəşad Sadıqov: Heyətimizdə səkkiz‑doqquz zədəli futbolçu var Idman.biz
10 oktyabr 2026, 22:00
- ↺ +

Zirə baş məşqçisi Rəşad Sadıqov: Heyətimizdə səkkiz‑doqquz zədəli futbolçu var

"Zirə"nin baş məşqçisi Rəşad Sadıqov Misli Premyer Liqasının yeddinci turunda "Şamaxı" ilə heç-heçə etdikləri görüşdən (1:1) sonra ciddi heyət problemlərindən danışıb.

İdman.Biz xəbər verir ki, mütəxəssis mətbuat konfransında qarşılaşmanın gözlədikləri kimi ağır keçdiyini bildirib:

"Oyun çox ağır keçdi. Üç həftə idi ki, bu matça hazırlaşırdıq. Futbolçulara daim deyirdik ki, qarşılaşma gərgin və yorucu olacaq. Elə də oldu. Birinci hissə bizim üçün yaxşı keçdi, amma əlverişli epizodlardan istifadə edə bilmədik. İkinci hissədə rəqib uzaq məsafədən zərbə ilə qol vurdu. Buna qol epizodu demək də çətindir. Bundan sonra hesabı bərabərləşdirdik, yaxşı hücumlarımız oldu. Təəssüf ki, ikinci qolu vura bilmədik. Belə ciddi çətinliklər yaşadığımız dövrdə hətta bir xal qazanmaq da asan deyildi. Xoşbəxtlikdən, heç olmasa, bir xal əldə etdik".

Sadıqov çempionatdakı fasiləni dəyərləndirərkən zədə və xəstəliklərin komandanın hazırlığına təsir etdiyini vurğulayıb:

"Fasilənin əsas faydası zədəli futbolçularımızla bağlı idi. Təəssüf ki, bəzi oyunçularımız zədələndi. İssa Cibrilla milli komandada zədə aldı. Quima da zədələndi. Giorgi Papunaşvilinin iki həftə qızdırması oldu. Problemlər bir-birinin üzərinə gəlir. Onlar haqqında nə qədər çox danışırıqsa, sanki sayı da bir o qədər artır.

Papunaşvili cəmi bir məşq keçirmişdi. Eren Aydın da elə. İmkanım olsaydı, onları meydana buraxmazdım. Leqbo üçün də bu, zədədən sonra ilk oyun idi. Meydana buraxmağa futbolçumuz yox idi. Bu tendensiya davam edir. Qapımıza bir zərbə vuruldu və qol oldu. Belə hallarda qələbə qazanmaq çətindir".

Baş məşqçi zədələrin səbəblərinə toxunaraq sıx oyun qrafikinin də problemlərə təsir edə biləcəyini qeyd edib:

"Leqbonun çiynində problem yarandı. Papunaşvili iki həftə qızdırma ilə yataqda qaldı. İssanı Tovuzda 60-cı dəqiqədə əvəzləmişdim, çünki yorulmuşdu. Milli komandaya getdi və orada zədələndi. Ktataunun sümüyü sınıb. Çox qəribə hadisələr baş verir.

Quimanın bugünkü zədəsi də adi epizodda baş verdi. Ardıcıl dörd ağır oyun keçirmişik. Belə matçlardan sonra bu cür problemlərlə üzləşirsən. Ola bilsin, sıx oyun qrafikinə görə bunlar üst-üstə düşür.

Əlimizdən heç nə gəlmir. Qalan sağlam futbolçularla nəsə etməyə çalışacağıq. Məcburən oyun sistemini dəyişirik, başqa variantlar düşünürük. Leqbonu sol cinah müdafiəçisi, Bayere Lueni isə hücumçu kimi nəzərdən keçirirdik. Amma futbolçu çatışmazlığına görə Leqbonu irəli çəkməli olduq".

Sadıqov evdə itirilən xallardan və növbəti turda Gəncədə keçirəcəkləri oyundan da danışıb:

"Biz də ev oyunlarından maksimum nəticə ilə ayrılmaq istəyirik. Amma rəqib seçmək olmur. "Şamaxı" da bu matçda keyfiyyətini göstərdi. Gəncədə isə dolu tribunalar qarşısında bizi nəyin gözlədiyini bilirik.

Hazırda olmaq istədiyimiz vəziyyətdə deyilik. Mövsümün əvvəlində başqa şeylərə hazırlaşırdıq, indi isə tamam fərqli mənzərə ilə üzləşmişik. Heyətimizdə səkkiz–doqquz zədəli futbolçu var".

Mütəxəssis qapıçı Anar Nəzirovun komandadakı rolunu da açıqlayıb:

"O, karyerasını başa vurmaq istəyirdi. Bu mövsüm üçüncü qapıçı statusundadır, eyni zamanda qapıçılara kömək edir".

İssa Cibrillanın durumuna münasibət bildirən Sadıqov onun bir müddət komandadan ayrı qalacağını söyləyib:

"Bu qədər zədə problemi adamı yorur. O da milli komandadan zədələndiyini yazanda artıq nə düşünəcəyini bilmirsən. Çox yaxşı futbolçudur, heyətimizdə görmək istədiyimiz oyunçulardandır. Görünür, iki–üç həftə bizimlə olmayacaq".

Baş məşqçi keçmiş qapıçı Tyaqo Silvanın "Şəfa"ya keçidini də şərh edib:

"Silva həm azarkeşlərin, həm də məşqçilər korpusunun sevdiyi futbolçulardan idi. Ötən mövsümün bitməsinə bir–iki ay qalmış ona yeni müqavilə də təklif etmişdik. Onun gedişinə qədər nə baş verdiyini dəqiq izah edə bilmirəm. Bir qədər də düşünmək istəyirdi. Biz isə avrokuboklara hazırlaşdığımızı və cəmi iki–üç həftə vaxtımız olduğunu bildirdik.

Onu da başa düşürəm. Ola bilsin, daha yaxşı təklifləri var idi. Amma biz onun komandadan ayrılmasını istəmirdik. Yaxşı komandaya – "Şəfa"ya keçib. Ona uğurlar arzulayıram".

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Futbol
Bu gün, 20:11

Mançester Yunaytedin keçmiş futbolçusu Pol İns yeni məşqçini sərt tənqid etdi: 46 ötürmə etdilər, topa toxunmadıq

Futbol
Bu gün, 19:59

Carles Puyol peşəkar futbola qayıdaraq Inter Escaldes klubunda beynəlxalq əlaqələr üzrə direktor oldu

Futbol
Bu gün, 19:52

Barselona, 19 yaşlı Xavi Espartla 2030-cu ilə qədər müqavilə imzaladı

Futbol
Bu gün, 19:37

Flik Barselonadan əlavə müdafiəçi transferi tələb etdi

Futbol
Bu gün, 19:28

İstanbul klubu Fənərbağçanın transferi üçün 35 milyon avro tələb edir

Futbol
Bu gün, 19:13

Yevlaxda 2-2 nəticəli 'İmişli' vs 'Zirə' matçı videonu izləyin

Futbol
Bu gün, 19:07

Porno ulduzun reklam kampaniyasından sonra klub sponsoru ilə əməkdaşlığı bağladı

Futbol
Bu gün, 19:07

Liverpulun baş məşqçisi Soboslai'nin oyun üçün hazır olduğunu bildirdi

Futbol
Bu gün, 18:51

Mourinyo Real Madrid-in Selta ilə oyun öncəsi xəbərdarlıq etdi

Futbol
Bu gün, 18:29

Rəşad Sadıqov: Hakim qərarları ‘qəribə hadisələrə səbəb olur’

Futbol
Bu gün, 18:20

FIFA anonim şikayət kanalı vasitəsilə oyun və qayda pozuntularını nəzarətdə saxlayır

Futbol
Bu gün, 18:16

U-20 Azərbaycan komandası İraqa qarşı 2:1 qalib gəldi

Şahmat
Bu gün, 18:00

Azərbaycan polis komandası "Arlan Chess Cup 2026" beynəlxalq şahmat turnirinin qalibi oldu

Futbol
Bu gün, 17:51

UFA prezidenti Şevçenko, Mudrikin dopinq ittihamlarını böhtan olaraq qiymətləndirir

Cüdo
Bu gün, 17:30

İlham Zəkiyev Misir İsgəndəriyyə şəhərində Qran-pridə iştirak edəcək

Futbol
Bu gün, 17:25

AFFA qadın məşqçilər üçün UEFA C kursunu başladı

Futbol
Bu gün, 17:15

İmişli baş məşqçisi: Milli komandaya potensial futbolçular var

Futbol
Bu gün, 17:11

Ervins Perkons: “0:2 geri düşsək də, İmişli xal qazanmağa layiq idi”

Futbol
Bu gün, 17:05

Rəşad Sadıqov: 2-0 üstünlüyündən sonra heç-heçə etməyi məyusedicidir

Futbol
Bu gün, 17:00

Emil Səfərov Neftçi təmsilçiliyində Qəbələye qayıtmaq istəyir

Futbol
Bu gün, 16:49

İngiltərə Milli Milli, Millətlər Liqası qalibi üçün əsas namizəd sayılır

Futbol
Bu gün, 16:40

Şahdağ Qusar və Gəncəbasar 0:0 bitişi

Futbol
Bu gün, 16:40

Niko Pas: Messi'nin milli takımdaki varisi

Futbol
Bu gün, 16:34

Federiko Valverde "Real Madrid"lə müqaviləsini 2031-ci ilə kimi uzadıb

Oxşar xəbərlər