Idman.biz
"Yuventus" baş direktor Damien Komoli ilə münasibətlərinə son qoyacaq.
İdman.Biz jurnalist Canluka Di Marzioya istinadən bildirir ki, klubdan rəsmi açıqlama yaxın saatlarda gözlənilir.
Komolli 2025-ci ilin iyun ayında baş direktor vəzifəsinə təyin olunub. Ona klub üçün yeni idarəetmə və idman modeli qurmaq tapşırılmışdı, lakin nəticələr qeyri-qənaətbəxş hesab edilib. Onun getməsinin əsas səbəbləri arasında "Yuventus"un 2025/2026 mövsümündə Çempionlar Liqasına vəsiqə qazana bilməməsi, eləcə də uğursuz transfer kampaniyaları yer alır.
Turin klubuna qoşulmazdan əvvəl Komolli 2020-ci ildən 2025-ci ilə qədər Fransanın "Tuluza" klubunun prezidenti vəzifəsində çalışıb. Onun rəhbərliyi altında klub 2023-cü ildə Fransa Kubokunu qazanıb. Komoli ilə münasibətlərinə son qoyulduqdan sonra "Yuventus" yeni baş direktor axtarışına başlayacaq.
