İdman.biz
"İnanıram ki, bizi maraqlı oyun gözləyir".
Bunu İdman.bizə veteran futbolçu Yunis Hüseynov deyib.
Təcrübəli mütəxəssis Azərbaycan kubokunun finalını ilə bağlı fikirlərini açıqlayıb. O bildirib ki, "Qarabağ" - "Zirə" duelində Qurban Qurbanovun yetirmələri favoritidir: "Qarabağ" əla mövsüm keçirdi. Çempionluğunu da erkən qazandı. Qurban Qurbanovun komandası Avropa səviyyəli oyun oynayır. Kubok oyunları çox fərqlidir. Həlledici görüşdə bütün futbolçular titul qazanmaq üçün var güclərini ortaya qoyurlar. Bu gün də belə olacaq. "Zirə" özünü yaxşı tərəfdən göstərəcək. Lakin yenə "Qarabağ"ı favorit görürəm. Düşünürəm ki, Ağdam təmsilçisi qalib gələcək".
Qeyd edək ki, final matçı saat 20.00-da "Liv Bona Dea Arena"da keçiriləcək.
Emin Ağa
İdman.biz
