"Biz təlim-məşq toplanışına başladığımız gündən çox yaxşı hazırlıq keçirik".
İdman.biz xəbər verir ki, bunu "Qarabağ"ın futbolçusu Yassin Benzia deyib.
Əlcəzair millisinin düşərgəsində olan futbolçu Qvineya ilə görüşün hazırlığını dəyərləndirib: "Çox yaxşı şəraitdə harırlıq keçirik. Hələlik Qvineya ilə ilk matça köklənmişik. Qələbə öz əlimizdədir. Seçmə mərhələnin indiki yeni formatında hər xal önəmlidir. Qvineya ilə evdə qarşılaşacağıq. Çətin oyun olacaq. Amma qalib gəlmək üçün hər şey edəcəyik. Afrikada kiçik komandalar olmur. Başa düşürük ki, hər qarşılaşma çətin alınır. Mən maksimum gücümü qoyacam. Vacib olan komandanın qələbəsidir".
Qeyd edək ki, Əlcəzair millisi bu gün Qvineya, dörd gün sonra Uqanda ilə görüşəcək.
İdman.biz