Sport24.az
Qarabağ"a qarşı yaxşı oynadıq. Oyun planında rəqibdən geri qalmasaq da, hesab istədiyimiz kimi olmadı. Məğlubiyyətə layiq deyildik". Bu sözləri Sport24.az-a açıqlamasında "Zirə"nin futbolçusu Vladislav Kulaç deyib.
Ukraynalı forvard "Qarabağ"la görüşdə hakimlikdən narazı qaldığını vurğulamaqla yanaşı, qarşıdakı turlar və ölkə kubokunun finalı barədə də danışıb: "Hakimlik haqqında danışmaq istəmirəm. Qoy, futbol mütəxəssisləri epizoda baxsınlar və desinlər, orda penalti var idi, ya yox. Nikbinliyimizi və soyuqqanlığımızı itirmirik. Qarşı 2 tur və kubokun finalı var. Maksimum nəticəyə köklənmişik. Odur ki, səfərdə "Kəpəz"i, evdə isə "Səbail"i üstələməliyik. İnanıram ki, istəyimizə nail olacağıq. Mehriban, döyüşkən, intizamlı kollektivimiz var. Hazırkı "Zirə" heyətinə və potensialına görə güclüdü".
Kulaç zədə səbəbindən istənilən formada olmadığını da etiraf edib: "Zədələrdən qaçmaq mümkün deyil. Bu həm futbolun bir hissəsi, həm də heç bir futbolçunun sığortalanmadığı haldı. Səmimi deyim ki, optimal formada deyiləm. Amma məşqdən-məşqə, oyundan-oyuna yavaş-yavaş toparlanır, özümü yaxşı hiss edirəm. Sağ olsun baş məşqçimiz də mənə oynamaq şansı yaradır".
Qeyd edək ki, XXXIV turdan sonra Rəşad Sadıqovun komandası 52 xalla turnir cədvəlinin 4-cü pilləsində qərarlaşıb.
ABDULLA İSMAYILOĞLU
