Sport24.az
"Real"ın vingeri Vinisius Junior karyerasını Səudiyyə Ərəbistanında davam etdirəcəyi ilə bağlı yayılan məlumatlara münasibət bildirib. Sport24.az xəbər verir ki, 24 yaşlı hücumçu bu məlumatları təkzib edib və "Real"da qalacağını qeyd edib:
"Mənim gələcəyim "Rea"dır! Sevdiyim klub üçün 101 qol vurmağı bacardığım üçün şadam. Mən bura uşaq vaxtı gəlmişəm və "Real"ın tarixinə düşmək fürsəti məni dünyanın ən xoşbəxt insanı edir.
101 qol həddinə çatmaqda mənə kömək etdikləri üçün bütün komanda yoldaşlarıma təşəkkür edirəm. Yaşasın "Real"!"
Qeyd edək ki, Vinisius ötən gecə Çempionlar Liqasının Liqa mərhələsinin 7-ci turunda "Zalsburq"a 2 qol vurub. Nəticədə o, "Real"ın heyətində qollarının sayını 101-ə çatdırıb.
