İdman.biz
"Belə vəziyyətdə doğum günümü ancaq evdə keçirə bilərəm".
Bunu İdman.bizə Azərbaycan millisinin sabiq futbolçusu Vadim Vasilyev deyib.
Bu gün 52 yaşını qeyd edən veteran futbolçu doğum günündə kimlərlə olacağını açıqlayıb: "Təbii ki, bu gün ailəmlə birlikdə olacam. Kimləri tanıyıramsa hamısı məni yığıb təbrik edib. Yaxşı ki, xəbər saytları var. Onların hesabına unudulmuruq. Sağ olsunlar ki, yaddan çıxarmırlar".
O, yalnız can salığı istədiyini də vurğulayıb: "Tez bir zamanda sağalmağım mənim üçün ən böyük hədiyyə olar. Tam özümə gələndən sonrada yaxşı bir klubda iş tapıb orada da çalışmaq istəyirəm".
Qeyd edək ki, Vasilyev fevral ayında insult keçirib və müalicəsini davam etdirir.
Banuçiçək Hüseynli
İdman.biz
