Idman.biz
21 yaşadək futbolçulardan ibarət Azərbaycan milli komandası Avropa çempionatının seçmə mərhələsində növbəti oyununa çıxıb.
B qrupunda yer alan millimiz səfərdə Bolqarıstanın müvafiq yaş qrupundan ibarət komandası ilə qarşılaşıb. Plovdiv şəhərində yerləşən "Xristo Botev" stadionunda keçirilən görüş 0:0 hesablı heç-heçə başa çatıb. Bu nəticədən sonra xallarının sayını 6-ya çatdıran millimiz 5-ci pillədə qərarlaşır.
Qeyd edək ki, U-21 qrupda növbəti oyununu sentyabrın 25-də evdə Çexiya yığmasına qarşı keçirəcək.
20:52
Azərbaycanın U-21 millisi Avro-2027-nin seçmə mərhələsinin 7-ci turu çərçivəsində səfərdə Bolqarıstanla qarşılaşır.
İdman.Biz bildirir ki, ilk hissədən sonra hesab açılmayıb.
19:05
21 yaşadək futbolçulardan ibarət Azərbaycan milli komandası Avro-2027-nin seçmə mərhələsinin 7-ci turu çərçivəsində səfərdə Bolqarıstanın qonağıdır.
İdman.Biz xəbər verir ki, Rəşad Eyyubovun rəhbərlik etdiyi yığmamız saat 20:00-da start götürəcək matçda meydana aşağıdakı heyətlə çıxacaq:
Azərbaycan: 12. Sadiq Məmmədzadə, 4. Elgün Dünyamalıyev, 5. Emin Rüstəmov (k), 3. Rüfət Abbasov, 2. Eşqin Əhmədov, 15. Raul Məmmədov, 18. Oruc Məmmədov, 17. Hikmət Cəbrayılzadə, 23. Nihad Əhmədzadə, 20. Şahin Şahniyarov, 11. Nahid Əliyev
Baş məşqçi: Rəşad Eyyubov.
09:20
Bu gün 21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirəcək.
İdman.Biz xəbər verir ki, Rəşad Eyyubovun baş məşqçisi olduğu kollektiv səfərdə Bolqarıstan komandası ilə qarşılaşacaq.
Görüş Plovdiv şəhərində, Bakı vaxtı ilə saat 20:00-da start götürəcək.
Qeyd edək ki, U-21 altı komandanın yer aldığı B qrupunda beş xalla beşinci pillədə qərarlaşıb. Meydan sahibləri 10 xalla dördüncüdür.
