Türkiyədə futbol mərc skandalı: yüzlərlə şübhəli var

İstanbul Respublika Prokurorluğu qanunsuz futbol mərc oyunları ilə bağlı geniş araşdırmaya başlayıb. Sport24.az Ədliyyə naziri Akın Gürlek açıqlamasında Türkiyə Futbol Federasiyasına (TFF) daxil olan 19 klub funksionerinin komandalarının iştirak etdiyi oyunlara mərc etdiyinə görə şübhə altına alındığını açıqlayıb.

Müstəntiqlər dövlətə məxsus bukmeker şirkəti IDDAA-nın onlayn platformalarından 2020-ci ildən 2026-cı ilə qədər olan dövr üçün məlumatları təhlil edərək, rəsmilərin klublarda işlədikləri vaxtla müqayisə ediblər. Prokurorluğun məlumatına görə, şübhəlilər təkcə öz komandalarının qələbələrinə deyil, həm də rəqiblərinin oyunlarının nəticələrinə, müxtəlif yekunlara və fərdi oyunçu statistikasına mərc qoyurlar.

Müstəntiqlərin sözlərinə görə, "Beşiktaş"ın oyunçusu Tolqa Qırğız bu yöndə hamıdan çox fərqlənib. Onun hesabında 1488 mərc var. Siyahıda növbəti yerlərdə Kerem Gürel ("Beşiktaş", 996 mərc), Avni Akdemir ("Ərzurumspor", 218), Ünsal Yamaner ("Bandırmaspor", 144) və Savaş Tatil ("Adanaspor2, 124) gəlir.

İstintaq zamanı hüquq-mühafizə orqanları IDDAA ilə əməkdaşlıq edən yeddi onlayn xidmətdən, o cümlədən Misli, Nesine, Oley, Tuttur, Bilyoner və Birebin-dən məlumatları araşdırıb. MASAK-dan maliyyə məlumatları da iş materiallarına daxil edilib.

Eyni vaxtda Türkiyənin on əyalətində axtarışlar və həbslər aparılıb. Prokurorluğun məlumatına görə, şübhəlilərdən ikisi hazırda ölkə xaricindədir və istintaq davam edir.