Sport24.az
"Əsas məqsəd evdə keçirdiyimiz oyunda qələbə qazanmaq idi". Sport24.az xəbər verir ki, bunu Türkiyənin qadınlardan ibarət millisinin baş məşqçisi Necla Güngör Kıragası deyib.
Türkiyəli mütəxəssis AVRO-2025-in B Liqasında Azərbaycan yığması üzərində qazanılan 1:0 hesablı qələbəni şərh edib: "İlk oyunda qələbə qazandıq. İndi məqsədimiz səfərdə keçirəcəyimiz görüşdə qalib gəlməkdir. Əsas hədəf pley-offa vəsiqədir. Buna nail olmaq üçün var gücümüzlə çalışırıq".
Necla Güngör Kıragası Azərbaycan millisi ilə oyunda topa daha çox sahib olduqlarını bildirib: "Rəqibin oyuna sərt başlayıb, sonra müdafiə çəkiləcəyini bilirdik. Buna görə də tələsmədən oynadıq. Topa sahib olub, hücum xəttində təhlükəli çıxış etdik. İstəyimizə çatdıq. Son 9 oyunun 8-də qələbə qazanmışıq. Bu nəticə qadın futbolunun inkişaf etdiyini göstərir".
Qeyd edək ki, komandalar arazında növbəti oyun iyunun 4-də Bakıda olacaq.
