Idman.biz
ABŞ prezidenti Donald Trampın Portuqaliya millisinin kapitanı Kriştianu Ronaldu ilə çəkilmiş fotosunu çərçivəyə salaraq Ağ Evin divarına asdığı iddia olunur.
İdman.Biz xəbər verir ki, sosial mediada yayılan görüntüdə Ronaldu ilə Trampın Oval Ofisdə söhbət etdiyi an əks olunub.
Lakin yayılan bu məlumat hələlik Ağ Ev və ya Trampa yaxın rəsmi mənbələr tərəfindən təsdiqlənməyib. Paylaşım sosial şəbəkələrdə daha çox ironik üslubda yayılıb və "Messi, cavab ver" kimi ifadələrlə müşayiət olunub.
Qeyd edək ki, sözügedən foto Kriştiano Ronaldonun 2025-ci il noyabrın 19-da Ağ Evdə ABŞ Prezidenti Donald Trampın qəbulunda olan zaman çəkilib. Həmin görüş zamanı portuqaliyalı futbolçuya Ağ Evin rəmzi açarı verilib. Futbolçu isə ABŞ Prezidentinə öz formasını hədiyyə edib. Görüşdə Ronaldonun xanımı Corcinya Rodrigez də iştirak edib.
