Idman.biz
"Real Madrid"in qapıçısı Tibo Kurtua sağ düz bud əzələsinin zədələnməsi diaqnozu elan edildikdən sonra sosial media hesabında mesaj paylaşıb.
Mediada daha əvvəl bildirilirdi ki, belçikalı qapıçı zədə səbəbindən altı-səkkiz həftə oynaya bilməz.
"Bundan sonra yenidən sağalmaq və komandaya kömək etmək üçün çalışıram", - Kurtua yazıb.
Kurtua Çempionlar Liqasının 1/8 final mərhələsinin "Mançester Siti" ilə (2:1) ikinci oyununda fasilədə əvəzlənib. Mediada bildirilirdi ki, qapıçı oyunöncəsi isinmə hərəkətləri zamanı ağrı hiss edib.
16:16
"Real Madrid"in qapıçısı Tibo Kurtuanın son vəziyyəti açıqlanıb.
İdman.Biz xəbər verir ki, belçikalı qolkiper bu səbəbdən təxminən 1,5 ay yaşıl meydanlardan uzaq qalacaq.
Onun budunun gətirici əzələsində zədə aşkarlanıb. Zədə səbəbindən Kurtua "Atletiko"ya qarşı oyunda iştirak etməyəcək. O, həmçinin UEFA Çempionlar Liqasının 1/4 final mərhələsində "Bavariya" ilə keçiriləcək hər iki qarşılaşmanı da buraxacaq.
Klubdan futbolçunun bərpa prosesi ilə bağlı əlavə məlumatın yaxın günlərdə veriləcəyi gözlənilir.
09:08
UEFA Çempionlar Liqasının 1/8 final mərhələsinin "Mançester Siti" ilə ikinci oyunundan sonra "Real Madrid"in qapıçısı Tibo Kurtuanın ilkin tibbi müayinəsi zamanı sağ ayağının əzələsində cırılma aşkarlanıb.
İdman.Biz bu barədə İspaniyanın AS nəşrinə istinadən məlumat verir.
Mənbənin məlumatına görə, Kurtuanın La Liqanın 29-cu turunda "Atletiko Madrid"ə qarşı keçiriləcək Madrid derbisində iştirakı faktiki olaraq istisna edilib. Zədənin şiddəti hazırda qiymətləndirilir. Əgər bu, kiçik zədə deyilsə, Tibo 7 və 14 apreldə "Bavariya"ya qarşı UEFA Çempionlar Liqasının dörddəbir final matçlarını buraxa bilər.
Kurtuanın oyunöncəsi isinmə hərəkətləri zamanı ağrı hiss etdiyi bildirilir. O, soyunma otağına gedib tibbi heyətə məlumat verib. Qısa müayinədən sonra o, qurban verməyə və oynamağa qərar verib, lakin fasilədə onun yerinə ehtiyat qapıçı Andrey Lunin təyin edilib.
