Idman.biz
"Ötən gün rəhbərliklə görüşüm oldu. Böyük ehtimalla komandada qalacağam".
Bunu "Şəfa"nın kapitanı Tərlan Quliyev deyib.
Təcrübəli müdafiəçi komandadakı gələcəyi ilə bağlı məsələyə aydınlıq gətirib.
"Hazırda razılaşmanın 95 faizi əldə olunub. Lakin hələlik rəsmi müqaviləyə imza atmamışam. Düşünürəm ki, yaxın 1-2 gün ərzində məsələ tam həllini tapacaq", - deyə o, sport24.az-a açıqlamasında söyləyib.
Qeyd edək ki, 34 yaşlı futbolçu ötən mövsüm "Şəfa"nın heyətində Birinci Liqa çempion olub.
