top
Tahir Gözəl: Bütün bu uğurlar bizim Qarabağda yaratdığımız birlik ruhunun nəticəsidir Sport24.az
25 may 2024, 11:34
- +

Tahir Gözəl: "Bütün bu uğurlar bizim "Qarabağ"da yaratdığımız birlik ruhunun nəticəsidir"

"Daha bir möhtəşəm mövsümə şahid olduq. Azərbaycan xalqı, bütün dünya Avropada mükəmməl bir "Qarabağ" izlədi". Sport24.az xəbər verir ki, bunu "Qarabağ"ın prezidenti Tahir Gözəl deyib.

 

Ağdam klubunun mətbuat xidmətinə açıqlama verən Tahir bəy komandanı ardıcıl 3-cü, ümumilikdə 11-ci çempionluq münasibətilə təbrik edib. Klub prezidenti çempionatın sabah keçiriləcək son matçı öncəsi bitməkdə olan mövsümü dəyərləndirib: "Ardıcıl 10-cu dəfə avrokubokların qrupunda mübarizə aparan komandamız pley-offda Portuqaliyanın tanınmış "Braqa" klubunu məğlub etdi, Avropada heç kimə uduzmayan "Bayer"in seriyasını qırmağa yaxın oldu. Almaniya təmsilçisinin baş məşqçisi və futbolçuları komandamızla qarşılaşmaların çox çətin keçdiyini dəfələrlə vurğuladılar. Bu uğurların ardınca "Qarabağ" Premyer Liqada ardıcıl 3-cü, tarixində 11-ci çempionluğunu qazandı. Sabah komandamıza növbəti qızıl medallar təqdim olunacaq. Vacib, təxirəsalınmaz işlərimlə bağlı komandamızın mükafatlandırma mərasimində iştirak edə bilməyəcəyəm. Amma ürəyim komandamızın yanında olacaq. Bu dəfə qızıl medalları sona 8 tur qalmış təmin etdik ki, bu da yeni rekord oldu. Hətta Avropada, dünyada belə erkən çempionluq tituluna yiyələnən komandalar çox az olub. Lakin buna baxmayaraq, uğur heç də asanlıqla əldə edilmədi. Hər komanda bizdən xal almağa çalışır, "Qarabağ" Avropada tarix yazdıqca Azərbaycan çempionatında hər komandanın bizə qarşı motivasiyası artır. Bu da bizi sevindirir. Yerli klubların bizə rəqabət yaratmağa çalışması "Qarabağ"ı Avropaya daha yaxşı hazırlayır və çempionatın səviyyəsinin qalxmasına təkan verir. Heç kim düşünməsin ki, Premyer Liqadakı rəqiblərimiz zəifdir, əksinə, onlar güclüdürlər, amma onların qarşısında daha da güclü, Avropa təcrübəsinə malik "Qarabağ" var. Bütün bu uğurlar bizim "Qarabağ"da yaratdığımız birlik ruhunun nəticəsidir. Klubun rəhbərliyindən, baş məşqçisindən sıravi işçisinə kimi hamının arasında böyük mənəvi birlik var. Rekord sayda 11-ci çempionluq münasibətilə başda məşqçilər heyəti olmaqla, futbolçularımı, klubumuzda çalışan hər kəsi, ürəyi "Qarabağ"la döyünən bütün azarkeşlərimizi təbrik edirəm".

 

Klub prezidenti növbəti hədəflərə də toxunub: "Əldə olunan nəticələr "Qarabağ"ın dünya və Avropa reytinqlərində yüksəlməsinə də əsas verib. Komandamız Beynəlxalq Futbol Tarixi və Statistikaları Federasiyasının dünya reytinqində 48-ci yerdədir ki, on minlərlə klub bu siyahida yer almaq üçün mübarizə aparır. Çempionluq kubokunu doğma "Azersun Arena"da aldıqdan sonra bizi kubok uğrunda final qarşılaşması gözləyir. Həmin oyunda iştirak edəcəyəm. Görüşü səbirsizliklə və həyəcanla gözləyirəm. "Zirə" çox güclü komandadır və Rəşad Sadıqov mükəmməl heyət formalaşdırıb. Amma biz də daha bir titul qazanmağa, mövsümü "Qızıl dubl"la tamamlamağa çalışacağıq. Ardınca isə yeni mövsümə böyük motivasiya, böyük ümid və inamla hazırlaşacağıq. Titulumuzu növbəti dəfə qorumaq, Avropada yeni tarixlər yazmaq üçün mübarizə aparacağıq. İllərdir Qarabağ adını Avropada qürurla daşıyırıq və artıq Müzəffər Ali Baş Komandanımızın rəhbərliyi ilə Azərbaycan əsgərinin böyük zəfəri sayəsində azad Qarabağı təmsil edirik. "Qarabağ" adının, klubun Azərbaycan üçün mənəvi cəhətdən necə önəm daşıdığını anlayırıq və bilirik ki, "Qarabağ" futbol klubu olaraq, missiyamız bununla bitmir. Bundan sonra da Qarabağın adını Avropada layiqincə təmsil etməliyik. Mənim üçün əsas olan klubumuzun bir illik uğuru deyil, davamlı nəticələrdir və komandamıza inamım sonsuzdur".

 

Qeyd edək ki, sabah keçiriləcək "Araz-Naxçıvan" – "Qarabağ" matçından sonra Ağdam klubuna qızıl medallar və çempionluq kuboku təqdim olunacaq. Tahir Gözəl şəxsi işləri ilə əlaqədar matçda və mükafatlandırmada iştirak etməyəcək.

Qarabağ FK

Son xəbərlər

Futbol
Dünən, 23:59

"Levante" baş məşqçisi Xulian Kaleronu istefaya göndərdi

Futbol
Dünən, 23:57

"Qəbələ" - "Araz-Naxçıvan" matçının videoicmalı (2:1)

Futbol
Dünən, 23:35

"Atalanta" "Fiorentina" üzərində 2:0 hesablı qələbə qazandı

Futbol
Dünən, 23:27

Luk Şou "Mançester Yunayted"də 300-cü oyununu keçirdi

Futbol
Dünən, 23:14

"Beşiktaş" "Fatih Karagümrük"ü səfərdə 2:0 hesabı ilə məğlub etdi

Futbol
Dünən, 23:04

"Ayntraxt Frankfurt" - "Volfsburq" oyunu heç-heçə başa çatdı

Basketbol
Dünən, 22:58

Basketbol millimiz Bakıda Lüksemburqa məğlub oldu

Futbol
Dünən, 22:36

"Çelsi" - "Arsenal": London derbisində heç-heçə - VİDEO

Futbol
Dünən, 22:30

Brunu Fernandeş Pol Skoulzu Geridə Qoyaraq "Mançester Yunayted" Tarixinə Düşdü

Futbol
Dünən, 22:28

"Rizespor" Abdullah Avcı ilə Anlaşdı

Futbol
Dünən, 22:15

"Sevilya" - "Real Betis" derbisində qalmaqal: Oyun dayandırıldı, sonra davam etdi - VİDEO

Futbol
Dünən, 21:59

Adil Şükürovun "Səbail"dəki məşqçi heyəti açıqlandı

Formula 1
Dünən, 21:53

Maks Ferstappen Qətər Qran-prisində üstün qələbə qazandı

Boks
Dünən, 21:47

Tom Aspinallın Göz Zədəsi Ciddi Diaqnozlarla Təsdiqləndi

Futbol
Dünən, 21:37

Əndəlus derbisi azarkeş iğtişaşı səbəbindən dayandırılıb, sonra bərpa edilib

Futbol
Dünən, 21:29

"Şamaxı" - "Sumqayıt" (1:2) Matçının Videoicmalı

Futbol
Dünən, 21:23

İlhan Palut "Çaykur Rizespor"dan istefa verdi

Cüdo
Dünən, 21:00

Uşanqi Kokauri Əbu-Dabi Böyük Dəbilqə turnirində bürünc medal qazanıb

Futbol
Dünən, 20:58

"Hamburq" azlıqda qalaraq "Ştutqart"ı məğlub etdi

Futbol
Dünən, 20:38

"Liverpul" "Vest Hem"i səfərdə məğlub etdi, İsak Premyer Liqada ilk qolunu vurdu

Futbol
Dünən, 20:30

Kaxaber Tsxadadze "Araz-Naxçıvan" üzərində qələbədən danışdı

Basketbol
Dünən, 20:30

Azərbaycan basketbol millisi Lüksemburqa məğlub oldu, Avropa çempionatının seçmə mərhələsində ikinci məğlubiyyətini aldı

Futbol
Dünən, 20:15

Lautaro Martinesin dublu "İnter"i "Piza" üzərində qələbəyə daşıdı

Futbol
Dünən, 20:11

Elmar Baxşıyev "Qəbələ" oyunundan sonra: "Komandanın oyundan qopması məni kədərləndirir."

Oxşar xəbərlər