Sport24.az
Daha bir legioner "Sumqayıt"ı tərk edir. Sport24.az-ın əldə etdiyi məlumata görə, geridə qalan mövsümdə "kimyaçılar"ın ən sərrast futbolçusu olan Kasemir Ninqa "gənclik şəhəri"nin təmsilçisini paytaxt klubuna dəyişir.
31 yaşlı hücumçu rəhbərliyə "Çindən yaxşı təklif almışam, onu dəyərləndirəcəm" söyləyərək, "kimyaçılar"ın yeni müqavilə təklifini qəbul etməyib. Ancaq sonradan məlum olub ki, ÇAD millisinin üzvü "Səbail" ilə danışıqlar aparır və böyük ehtimalla, növbəti mövsümdən "dənizçilər"in uğurları üçün tər tökəcək.
Qeyd edək ki, Kasemir başa çatan mövsümdə ümumilikdə "Sumqayıt"ın heyətində 31 oyun keçirib və 8 qol, 1 məhsuldar ötürmə ilə yadda qalıb.
