Sport24.az
"Liverpul"un keçmiş kapitanı və yarımmüdafiəçisi Stiven Gerrard "Real"ın müdafiəçisi Trent Aleksandr-Arnoldun mart ayında keçiriləcək yoldaşlıq oyunları üçün İngiltərə millisinin heyətindən kənarda qalması ilə bağlı şərh verib. Sport24.az xəbər verir ki, "TNT Sports"a danışan veteran futbolçu Arnold barədə bunları deyib:
"Çox təəccübləndim. Bəli, sağ cinah müdafiəsi üçün yaxşı seçimlərimiz var: Ris Ceyms dünya səviyyəli oyunçudur, Valentino Livramento isə zədələnib, amma o, hər iki cinahda oynaya bilər. Komandanın seçimini başa düşürəm, amma düşünürəm ki, Trent Aleksandr-Arnold ölkənin ən yaxşı 35 oyunçusu arasındadır.
İngiltərənin qarşıda açıq futbol oynamalı, aşağı blokla müdafiəni dağıtmalı olduğu oyunlar var ki, bu da təəssüf doğurur. Trent Aleksandr-Arnold məhz ehtiyat oyunçular skamyasından meydana çıxıb bir ötürmə ilə oyunun gedişatını dəyişə bilən oyunçudur. Bu, onun səviyyəsidir. Buna görə də təəccüblənirəm, onun adına pis oldum. Amma nəzərə alınmalı digər amillər də var: Trent nə qədər tez-tez oynayır? O, pik formadadırmı? Təsir edən meydandan kənar amillər varmı? Altı həftəlik heyət seçməzdən əvvəl bir çox amilləri nəzərə almaq lazımdır".
İngiltərə yoldaşlıq oyunlarında martın 27-də Uruqvay, 31-də isə Yaponiya ilə qarşılaşacaq.
