Idman.biz
"Yuventus"un baş məşqçisi Luçano Spalletti İtaliya A Seriyasının 10-cu turunda "Napoli" ilə keçiriləcək qarşılaşma öncəsi komandasının hazırlığından və qələbə qazanmaq üçün vacib amillərdən danışıb.
İdman.Biz xəbər verir ki, italiyalı mütəxəssis mətbuat konfransında azarkeşlərin gözləntilərini doğrultmağın vacibliyini vurğulayıb:
"Ümid edirəm ki, azarkeşlərin düşüncələrini və ümidlərini meydanda görəcəyik. Onların layiq olduğu hər şeyi ortaya qoyan komanda görmək istəyirəm. Oyunlarda qalib gəlməyin yalnız bir yolu var: bunu rəqiblərimizdən daha çox istəməliyik".
Spalletti "Napoli" ilə görüşün çətin keçəcəyini bildirərək komandanın oyununda tarazlığın qorunmasının vacibliyinə diqqət çəkib:
"Bizə balanslı komanda lazımdır, çünki çox çətin oyun keçirəcəyik. Meydanın heç bir hissəsində qorxmağa və ya hücuma keçmək üçün tərəddüd etməyə vaxt olmayacaq. Komanda daxilində müzakirələr aparmağa, danışmağa da vaxt qalmayacaq".
Baş məşqçi Edon Jeqrova və Jeremi Boqanın qarşılaşmada iştirak imkanlarına da toxunub:
"Jeqrova və Boqa start heyətində olmasalar belə, ikinci hissədə meydana çıxacaqlar".
Qeyd edək ki, "Yuventus" bundan əvvəl səfərdə "Cenoa"ya ağır məğlubiyyətlə üzləşib. "Napoli" ilə qarşılaşma Spallettinin gələcəyi baxımından da əhəmiyyətli hesab olunur.
