Sport24.az
İtaliya U-21-nin baş məşqçisi Silvio Baldini iyun ayında keçiriləcək yoldaşlıq oyunlarında əsas komandaya rəhbərlik edəcək. Sport24.az xəbər verir ki, bu barədə yerli federasiyanın mətbuat xidməti məlumat yayıb.
67 yaşlı mütəxəssis 2025-ci ilin yayından "Azzurri"nin gənclər komandasının "sükanı arxasındadır". Onun rəhbərliyi altında İtaliya millisi UEFA Avro U-21 seçmə mərhələsində səkkiz oyundan yeddisində qalib gələrək yalnız qrup lideri Polşaya məğlub olub və hazırda seçmə mərhələdə ikinci yerdədir.
Qeyd edək ki, İtaliya yığmasının baş məşqçisi Gennaro Qattuzo rəsmi olaraq istefa verib. Bundan əvvəl Qabriele Qravina İtaliya Futbol Federasiyasının prezidenti, Canluici Buffon isə İtaliya milli komandasının nümayəndə heyətinin rəhbəri postundan ayrılıb.
