Sport24.az
"Oyuna pis başlamadıq. Hər şey yaxşı gedirdi. Qol buraxsaq da, məğlub olmaq istəmirdik. Amma hakimin səhv qərarı ümidlərimizin üzərindən xətt çəkdi". Bu sözləri Sport24.az-a açıqlamasında "Səbail"in futbolçusu Valdemar Almeyda deyib.
"Dənizçilər"in portuqaliyalı legioneri "Zirə"yə məğlubiyyəti şərh etməklə yanaşı, hakimin qərəzli qərararından və "qırmızı"ya layiq olmadığını da vurğulayıb: "Zirə"nin cərimə meydançasına girərkən rəqib futbolçu mənə sərt müdaxilə etdi və yerdə qaldım. Hakim epizoddan uzaq deyildi. Ardınca VAR-da da baxıldı və məni günahkar çıxartdılar. Bir daha qəti şəkildə deyirəm, rəqib futbolçunun müdaxiləsindən sonra yerdə qaldım. Hakimlərin niyə belə səhv qərar verdiklərini anlamadım".
Paytaxt təmsilçisinin yarımmüdafiəçisi gələcək karyerası ilə bağlı da açıqlama verib: "Səbail" ilə müqaviləmin müddəti başa çatır. Bir həftə sonra klub rəhbərliyi ilə danışıqlara başlayacam. Yalnız bunda sonra sözləşməmin yenilənib-yenilənməməsi bəlli olacaq".
ABDULLA İSMAYILOĞLU
