İdman.biz
"Həftə içində onlar, əsasən də legionerlər canfəşanlıq göstərirdilər, azarkeşləri stadiona dəvət edirdilər. Bu gün yaxşı dəstək var idi. Zeynəb Məmmədyarova, İlham Zəkiyev, Rafael Ağayev, Murad Arif, onların hər birinə təşəkkür edirəm".
İdman.biz xəbər verir ki, bunu "Sumqayıt"ın baş məşqçisi Samir Abasov deyib.
Təcrübəli mütəxəssis Azərbaycan Premyer Liqasının XXXIV turunda "Səbail" üzərində qazanılan 2:1 hesablı qələbə şərh edib: "Futbolçular psixoloji olaraq çox yüklənib. Bu, yaxşı deyil. Avropada olmaq istəyirlər. Bunun qarşısını ala bilmərik. Bəlkə də təyziq bu cür oynamağa səbəb olur. Artıq "Səbail"lə oyunlardan sonra dördüncü mətbuat konfransıdır ki, eyni sual verilir. Amma dördüncü dəfə də biz uduruq. Şahin müəllim mənim məşqçim olub. Belə görübsə, haqq qazandırıram. Doğrudan da "Səbail" yaxşı oynadı".
Samir Abasov son oyunlarda hisslərini cilovlamağa çalışdığını bildirib: "Mən də öz təzyiqimlə onları yükləmək istəmirdim. Həmin ərəfə deyil ki, mən coşum, hirslənim. İstəmədən özümü cilovlamışam. Məni qorxudan futbolçuların üzərində olan təzyiqdir. Düşünürəm ki, qol buraxsaq, nələr baş verə bilər. Sına da bilərik. Şükürlər olsun ilk qolu buraxmırıq".
Qeyd edək ki, qələbə "Sumqayıt"ı turnir cədvəlində 2-ci pilləyə yüksəldib.
İdman.biz
