Sport24.az
Misli Premyer Liqasının X turunda bu gün "Şamaxı" "Neftçi"ni qəbul edəcək. Sport24.az xəbər verir ki, qarşılaşma saat 15:30-da başlayacaq.
Komandalar indiyədək ölkə çempionatları tarixində 81 dəfə üz-üzə gəlib. Bu görüşlərin 45-də "Neftçi", 16-da isə bölgə təmsilçisi qələbə qazanıb. Daha 20 qarşılaşma heç-heçə ilə başa çatıb.
Qeyd edək ki, "Şamaxı" əvvəlki illərdə "Xəzər Universiteti", "İnter" və "Keşlə" adları ilə çıxış edib.
"Şamaxı" Premyer Liqada "Neftçi"yə qarşı keçirdiyi son 13 oyunda qələbə qazana bilməyib. Bölgə təmsilçisinin bu rəqib üzərində sonuncu qələbəsi 2021-ci ildə, komandanın "Keşlə" adlandığı vaxtda qeydə alınıb. Həmin görüşdə "Keşlə" 3:2 hesabı ilə qalib gəlib.
