Sport24.az
Bu yay ölkəmizi Konfrans Liqasında təmsil edəcək "Sabah" yaxın günlərdə yeni futbolçu ilə anlaşacaq. Sport24.az-ın əldə etdiyi məlumata görə, "bayquşlar" ötən yay klubdan ayrılan Coy-Lens Mikelslə müqavilə bağlayacaq.
Almaniyalı futbolçu ilə artıq danışıqlar yekunlaşıb. Yaxın günlərdə 30 yaşlı hücumçu yeni anlaşmaya imza atacaq.
Qeyd edək ki, forvard ötən yay Masazır təmsilçisindən ayrılaraq Səudiyyə Ərəbistanının "Əl-Feysəli" klubuna üz tutmuşdu. 2021-23-cü illər aralığında "tələbələr"in formasını geyinən almaniyalı meydana çıxdığı 69 oyunda 33 qolla yadda qalmışdı.
