Sport24.az
"Sabah" üzərində qələbəyə çox şadıq. İki cəbhədə uğurlu mübarizə aparmaq çətin də olsa, biz bu işin öhdəsindədn gəlməliyik. "Osiyek"lə cavab görüşü ərəfəsində "Sabah"ı məğlub etməyimiz bizim üçün əlavə motivasiya oldu. Təbii ki, belə gedişdən arxayınlaşmamalıyıq. Bizi irəli daha böyük sınaq gözləyir". Bu sözləri Sport24.az-a açıqlamasında "Zirə"nin futbolçusu Rüstəm Əhmədzadə deyib.
"Qartallar"ın hücumçusu artıq "Sabah"la matçı unudub, cümə axşamı baş tutacaq "Osiyek"lə cavab oyununa kökləndiklərini də vurğulayıb: "Xorvatiya səfərindən sərfəli nəticəylə dönsək də, məsuliyyətimizi də unutmuruq. Bizi çox çətin cavab oyunu gözləyir. Odur ki, ilk dəqiqələrdən son dərəcə ehtiyatlı və kreativ oyunla rəqibi üstələməyə çalışacağıq".
Qeyd edək ki, "Zirə" – "Osiyek" oyunu avqustun 15-də "Liv Bona Dea Arena"da baş tutacaq.
POLAD AZƏR
