Qol.az
"Real"ın futbolçusu Antonio Rüdiger İspaniya kubokunda "Barselona"ya qarşı final oyunundakı davranışına görə cəzalandırılıb.
QOL.az xəbər verir ki, bu barədə İspaniya Kral Futbol Federasiyasının (RFEF) mətbuat xidməti məlumat yayıb.
Rüdiger hakimə hücum etməsi və referiyə kənar əşya (buz torbası) atmasına görə 6 oyunluq diskvalifikasiya edilib.
RFEF həmçinin "Real"ın yarımmüdafiəçisi Cud Bellinqemə final fitindən sonra etiraz etdiyi üçün verilən qırmızı vərəqəni ləğv edib. Matçın baş hakimi protokolda Bellinqemin aqressiv mövqe sərgilədiyi qeyd edib. Lakin RFEF "Real"ın bunu təkzib edən video sübut təqdim etdiyini bildirib.
