Sport24.az
Fransa ikinci liqasında "Laval" ilə 2-2 hesablı heç-heçədən sonra "Reyms"in azarkeşləri klubun bazasına silahlı basqın ediblər. Sport24.az xəbər verir ki, bu barədə Fransa klubunun mətbuat xidməti məlumat yayıb:
"Cümə axşamı Ultram qrupunun üzvü olduqlarını iddia edən, bəziləri balaklava taxmış və evdə hazırlanmış silah daşıyan şəxslər komandanın "Laval" ilə oyundan qayıtmasını gözləyərkən Raymond Kopadakı iqamətgahımıza daxil oldular. Bu cür hərəkətlər qəbuledilməzdir və bütün klubu dərindən sarsıtdı.
Bir neçə aydır ki, klubun dialoqa hazır olmasına baxmayaraq, zorakı və uyğunsuz davranışların artdığının şahidi oluruq. Vəziyyətin nəzarətdən çıxmasının qarşısını almaq üçün hüquq-mühafizə orqanlarının gəlişi zəruri idi. Biz heyətimizi, oyunçularımızı və futbolumuzu qorumaq istəyirik."
Qeyd edək ki, "Reyms" ötən mövsümün yekunlarına görə Liqa 1-dən düşüb və 30 oyundan sonra ikinci divizionda beşinci yerdədir.
