Idman.biz
Futbol üzrə Azərbaycan milli komandasının futbolçusu Rəhman Daşdəmirov DÇ-2026-nın seçmə mərhələsində İslandiya millisi ilə oyunla bağlı gözləntilərini bölüşüb.
İdman.biz-in Reykyavikdən verdiyi xəbərə görə, Daşdəmirov millimizin İslandiyaya qələbə üçün gəldiyini vurğulayıb.
"Bura maksimum nəticə üçün gəlmişik, yaxşı hazırlaşmışdıq və rəqibi öyrənmişik, zəif və üstün cəhətlərini bilirik. Azərbaycana əliboş qayıtmaq istəmirik", - Daşdəmirov deyib.
O, uzun uçuşdan sonra futbolçuların iqlimə uyğunlaşmasından da danışıb.
"Reykyavikə erkən çatdıq və bununla bağlı heç bir problem yoxdur. Məncə yaxşı hazırlaşmışıq. Maksimum nəticə toplamağa gəlmişik", - Daşdəmirov əlavə edib.
Xatırladaq ki, İslandiya və Azərbaycan yığmaları arasında keçiriləcək oyun Bakı vaxtı ilə saat 22:45-də başlayacaq.
