Idman.biz
"Barselona"nın baş məşqçisi Hans-Diter Flik İspaniya La Liqasının üçüncü turunda "Rayo Valyekano"ya 5:2 hesabı ilə qalib gəldikləri görüşdən sonra oyunu şərh edib.
İdman.Biz xəbər verir ki, alman mütəxəssis komandanın ikinci hissədə rəqibin sürətini artırması səbəbindən çətinlik çəkdiyini deyib.
"İlk hissədə çox yaxşı oynadıq. İkinci hissədə rəqib çox yaxşı çıxış etdi və bir qədər çətinlik çəkdik. Lakin onların qollarından sonra reaksiyalarımız çox yaxşı oldu. Mənim üçün üç xal vacibdir. Topla oynayaraq toparlanmaq həmişə topsuz oynamaqdan daha asandır", - deyə Flik bildirib.
Almaniyalı mütəxəssis hücum xəttindəki sürətə də toxunub. O, Entoni Qordonun iki məhsuldar ötürmə etdiyini və onun komandada olmasının əla olduğunu söyləyib.
Flik hücum xəttində Qordonla yanaşı, Karim və Rafinyanın da komandaya böyük sürət qazandırdığını qeyd edib.
