Idman.biz
"Barselona"nın cinah oyunçusu Rafinya Dias "Qızıl top 2025" səsverməsinin nəticələri ilə bağlı şərh verib.
İdman.Biz bildirir ki, braziliyalı futbolçu "France Football"un ilin ən yaxşı oyunçuları siyahısında beşinci yeri tutub. "Qızıl top" mükafatı PSJ-nin hücumçusu Usman Dembeleyə verilib.
"Məyus oldum. Daha çoxunu gözləyirdim. Ən azından ilk üçlükdə yer alacağımı gözləyirdim. Çempionlar Liqasındakı uğurdan çox şey asılı olduğundan, qalib gəlməyin çətin olacağını bilirdim. Buna görə də yerimdən məyus oldum.
Amma başa düşürəm ki, bu, mənim nəzarətimdən kənar bir çox şeylə bağlıdır. Deyə bilərəm ki, keçirdiyim mövsümdən çox məmnunam və heç bir fərdi mükafat keçən mövsüm qazandığım uğurları ləğv edə bilməz.
Şəxsən mən özümü birinci yerə qoyardım.
Sonrakı yerlərə Lamin və Pedrini qoymaq olar.
Dembele dördüncü ola bilər. Bu, ədalətli seçimdir", - Rafinya deyib.
