Sport24.az
"Barselona"nın futbolçusu Rafinya UEFA Çempionlar Liqasında "Benfika"ya qalib gəldikləri oyundan sonra fikirlərini bölüşüb. Sport24.az xəbər verir ki, vinger 5:4 hesabıyla bitən matçla bağlı bunları deyib:
"Çətin oyun olacağını bilirdik. Portuqaliyada azarkeşlər önündə oynamağın necə ağır olduğunu bilirəm. Onlar çox yaxşı oynayırlar və yüksək səviyyəli oyunçuları var.
Hesabda geri olsaq da, dönüş etməyi bacardıq. Hər kəs üçün maraqlı oyun oldu. "Benfika"nı asanlıqla məğlub edə bilərdik, amma işimizi çətinləşdirdik. Qələbə qolunu vurmaq ayrı hissdir. Karyeramın ən yaxşı anını yaşadım".
