Sport24.az
"Mançester Siti"nin baş məşqçisi Xosep Qvardiola Premyer Liqanın XXII turunda "İpsviç"i məğlub etdikləri görüşü şərh edib. Sport24.az xəbər verir ki, mütəxəssis 6:0 hesabıyla bitən matçla bağlı bunları deyib:
"Oyunçular yaxşı oynayanda futboldan həzz alırlar. Onlar keçmişdə nələr bacardıqlarını bilirlər və bunu xatırlayanda motivasiyaları daha artır. Bundan öncə çox itkilərimiz oldu və əsas səbəbi zədələr idi. Ümid edirəm ki, yavaş-yavaş formamıza qayıdacağıq".
"Mançester Siti" Premyer Liqada 38 xalla 4-cü sıradadır. "Şəhərlilər" lider "Liverpul"dan 12 xal geri qalır.
