Bu gün keçiriləcək bir oyunla Premyer Liqada XXXII tura yekun vurulacaq. Sport24.az xəbər verir ki, son matç Zirədə keçiriləcək.
Qəsəbənin eyniadlı təmsilçisi "Araz-Naxçıvanı" qonaq edir. Mövsümün sonuna 5 tur qalmış komandaların durumu fərqlidir. "Qartallar" həm mükafatçılar sürasına düşməyi, həm də avrokublakra vəsiqə qazanmağı düşünürsə, naxçıvan təmsilçisinin heç bir turnir hədəfi qalmayıb. Yeganı istisna Elmar Baxşıyevin "qırmızı-ağlar"ın "sükanı arxasında" ilk qələbəsini qazanmaq istəyidi. Bundan başqa naxçıvanlılar bu matçda qalib gələcəyi halda yenidən 8-ci pilləyə yüksələ bilər. "Zirə" isə 3 xal əldə edəcəyi təqdirdə, 2-ci olacaq.
Qeyd edək ki, turun digər matçlarında "Kəpəz" "Qəbələni (1:0), "Neftçi" "Turan Tovuz"u (3:0), "Sabah" "Səbail"i (2:0), "Sumqayıt" isə "Qarabağ"ı (1:0) məğlub edib.
Misli Premyer Liqası
IV dövrə, XXXII tur
19:00. "Zirə" - "Araz-Naxçıvan"
Hakimlər: Cavid Cəlilov, Eyyub İbrahimov, Asiman Əzizli, Nicat İsmayıllı
Hakim-inspektor: Ceyhun Haşımov
AFFA nümayəndəsi: Azər Əsgərov
Zirə. İdman Kompleksinin stadionu