Sport24.az
Misli Premyer Liqasında XIX turun matçları davam edir. Sport24.az xəbər verir ki, ikinci oyun günündə daha iki qarşılaşma keçiriləcək.
Əvvəlcə meydana "Zirə" və "Araz-Naxçıvan"ın futbolçuları çıxacaq. Hazırda Naxçıvan klubu 39 xalla turnir cədvəlində ikinci, qəsəbə təmsilçisi isə 30 xalla dördüncü yeri tutur.
Rəşad Sadıqovun "qartallar"ı bu gün qələbə qazansa, turnir cədvəlində bir pillə irəliləməklə "Turan Tovuz"u qabaqlayacaq.
Cari mövsüm bu komandaların duellerində naxçıvanlıların üstünlüyü var. Öz meydanında heç-heçə (1:1) edən Elmar Baxşıyevin komandası səfərdə "Zirə"yə 1:0 hesabı ilə qalib gəlib.
Qeyd edək ki, qarşılaşmanın start fiti saat 16:00-da səslənəcək.
Misli Premyer liqası
III dövrə, XIX tur
16:00. "Zirə" - "Araz-Naxçıvan"
Hakimlər: Əliyar Ağayev, Zeynal Zeynalov, Akif Əmirəli, Rəşad Əhmədov
VAR: Cavid Cəlilov
AVAR: Şirmamed Mamedov
Hakim-inspektor: Anar Salmanov
AFFA nümayəndəsi: Eldəniz Musayev
Zirə. İdman Kompleksinin stadionu.
