Sport24.az
18 yaşadək futbolçulardan ibarət Azərbaycan milli komandasının heyətində daha bir dəyişiklik edilib. Sport24.az xəbər verir ki, bunu AFFA-nın mətbuat xidməti açıqlayıb.
"Sumqayıt"in futbolçusu Aftandil Arıxov heyətdən çıxarılıb. Onun yerinə "Neftçi"dən Eldar Babayev milliyə dəvət olunub.
Qeyd edək ki, millimiz aprelin 28-də Dalğa Təlim-Məşq Mərkəzində seleksiya xarakterli təlim-məşq toplanışına başlayıb. Hazırlıq mayın 3-dək davam edəcək.
