Sport24.az
"Şamaxı" ilə oyuna ciddi hazırlaşmışdıq. Meydana qələbə üçün çıxsaq da, rəqib 3 xal qazanmaqla çempionluq yolunda ciddi addım atdı". Bu sözləri Sport24.az-a açıqlamasında "Qaradağ Lökbatan"ın kapitanı Urfan İsmayılov deyib.
İsmayılov məğlubiyyətin səbəbini belə izah edib: "Rəqibin təzyiq edəcəyini bilirdik. Bu bizdə həyəcan yaratmışdı. Buna baxmayaraq, oyuna yaxşı başladıq, ilk yarıda 2 qol vurmaqla fasiləyə üstün yollandıq. Matçın qırılma nöqtəsi hesabda üstün ikən komanda şəklində arxaya çəkilməyimiz oldu. Qonaqlar da bundan istifadə edib 2 qol vurub qapandı. Bundan sonra onların müdafiəsini yarmaq istəsək də son nöqtəni qoya bilmədik. Çempionluq əlimizdən çıxdığına görə çox məyusuq. Qarşıda daha bir oyunumuz var. Nə qədər çətin olsa da, "Şamaxı"ya məğlubiyyəti unutmağa çalışacağıq. Mövsümü belə başa vurmaq istəməzdik".
Qeyd edək ki, dünən baş tutan "Qaradağ Lökbatan" – "Şamaxı" matçı qonaqların 3:2 hesablı qələbəsi ilə başa çatıb. Son tur ərəfəsində aktivində 54 xal olan "Şamaxı" liderliyə yüksəlib. Qəsəbə təmsilçisi isə 53 xalla ikincidi
POLAD AZƏR
