Sport24.az
"Norviç" klubu David Vaqnerin komandanın baş məşqçisi postundan istefaya göndərildiyini açıqlayıb. Sport24.az xəbər verir ki, bu qərar, komandanın pley-off oyununda "Lids"ə məğlubiyyətdən sonra verilib.
Premyer Liqaya son vəsiqənin oynanıldığı matçda "Norviç" "Lids"ə 0:4 hesabı ilə məğlub olub ki, bu da rəhbərliyi narazı salıb. Klubun idman direktoru Ben Knapper baş məşqçi haqda bunları deyib: "David "Norviç"in baş məşqçisi kimi müəyyən uğurlara imza atdı. Lakin biz indi fərqli bir istiqamətdə hərəkət etməyin vaxtı çatdığını hiss edirik".
Qeyd edək ki, David Vaqner 2023-cü ilin yanvarından "Norviç"i çalışdırırdı. Komanda o vaxtdan indiyədək keçirdiyi 75 matçda 31 qələbə qazanıb, 17 heç-heçə edib və 27 məğlubiyyət alıb.
