Sport24.az
"Neftçi"nin sabiq futbolçusu Brayan Moreno ciddi problemlə üzləşib. Sport24.az xəbər verir ki, 25 yaşlı hücumçunun Kolumbiyanın "Amerika de Kali" komandasına keçidi gerçəkləşməyib.
Tərəflər arasında danışıqlar müsbət yekunlaşsa da, forvard tibbi müayinələrdən keçə bilməyib. Kolumbiyalı oyunçunun bu komandaya transferi alınmayıb.
Qeyd edək ki, ötən ilin yanvarında "Neftçi"yə keçən Brayan Morenonun müqaviləsinə oktyabrda xitam verilib. Zədəli olduğu üçün onun adı cari mövsüm iştirak ərizəsinə salınmamışdı.
