Sport24.az
Misli Premyer Liqasının ikinci oyun gününə Sumqayıtda yekun vurulacaq. Sport24.az xəbər verir ki, şəhərin eyniadlı təmsilçisi "Səbail"i qəbul edir.
18 turdan sonra "kimyaçılar" 20 xalla turnir cədvəlində altıncı, "dənizçilər" isə 8 xalla sonuncu pillədə qərarlaşıb. Meydan sahibləri kimi Cavid Hüseynovun komandası da 2025-ci ilin ilk rəsmi görüşündən qalib ayrılmağa çalışacaq.
Cari mövsümdə bu komandalar arasında baş tutan əvvəlki iki görüş sumqayıtlıların qələbəsi ilə yekunlaşıb - 1:0, 2:1.
Qeyd edək ki, turun digər iki qarşılaşması - "Turan Tovuz" - "Kəpəz" və "Neftçi" - "Sabah" oyunu sabah keçiriləcək.
Misli Premyer Liqası
III dövrə, XIX tur
18:30. "Sumqayıt" - "Səbail"
Hakimlər: İnqilab Məmmədov, Namiq Hüseynov, Rahil Ramazanov, Kamran Əliyev
VAR: Rauf Allahverdiyev
AVAR: Teymur Teymurov
Hakim-inspektor: Ramil Diniyev
AFFA nümayəndəsi: Elçin Məmmədov
Sumqayıt. Mehdi Hüseynzadə adına şəhər stadionu
