AFFA-nın İntizam Komitəsi "İmişli"nin futbolçusu Gilyerme Silvanı cəzalandırıb. Sport24.az xəbər verir ki, buna legionerin I Liqanın XXVI turunun "Araz Saatlı" ilə matçındakı hərəkəti səbəb olub.
23 yaşlı braziliyalı görüşün 87-ci dəqiqəsində təcavüzkar davranışa görə birbaşa qırmızı vərəqə aldıqdan sonra rəqib futbolçunu vurmağa cəhd edib. O, bu hərəkəti üçün 4 oyunluq diskvalifikasiya edilib.
Braziliyalıya ötən ay təyin edilmiş 3 aylıq sınaq müddəti başa çatmamış növbəti dəfə qırmızı vərəqə aldığı üçün həmin 1 oyunluq şərti cəza da diskvalifikasiyaya əlavə edilib. Gilyerme ümumilikdə 5 oyun cəzalanıb, "İmişli" 300 manat cərimələnib.