Sport24.az
Rumıniyanın FCSB klubunun futbolçusu Coyskim Dava Avropa Liqasının 7-ci turunda sabah Bakıda "Qarabağ"la keçiriləcək oyun üçün təşkil olunan mətbuat konfransında açıqlama verib.
O, matçla bağlı fikirlərini bölüşüb: "İkinci dəfədir Bakıya gəlirəm. İnanıram ki, sabah gözəl nəticəyə nail olacağıq. Əsas işimiz sabahkı oyuna köklənməkdir. "Qarabağ" yerli çempionatda liderdir. Hücumameyilli komandadır. Səfərdə oynadığımız üçün favorit "Qarabağ"dır".
Qeyd edək ki, sabah Tofiq Bəhramov adına Respublika stadionunda keçiriləcək "Qarabağ" - FCSB matçı saat 21:45-də başlayacaq. Turnir cədvəlində "Qarabağ" 3 xalla 33-cü, FCSB 11 xalla 10-cu sıradadır.
