Sport24.az
Zaqreb "Dinamo"sunda çıxış edən Azərbaycan millisinin hücumçusu Mahir Emreli komandadan ayrıla bilər. Sport24.az xəbər verir ki, bunu paytaxt klubunun baş məşqçisi Sergey Yakiroviç "Sportske"yə müsahibəsində deyib.
O, bəzi futbolçuların "Dinamo"dakı taleyi ilə bağlı sualları cavablandırarkən Mahirin başqa klubdan təklif aldığını və komandadan ayrılmaq istədiyi bildirib:
"Onun böyük ehtimalla gerçəkləşəcək təklifi var. Fikrimcə, Mahir aldığı təklifi dəyərləndirəcək".
Qeyd edək ki, Mahir Emrelinin 2022-ci ilin fevralından çıxış etdiyi "Dinamo" ilə 2026-cı ilin yayına qədər müqaviləsi var. O, bu mövsüm "Dinamo" ilə bütün turnirlərdə 24 oyunda meydana çıxıb, 5 qol vurub, 5 qolun isə ötürməsini edib.
