Sport24.az
Misli Premyer Liqasında XX tur davam edir. Sport24.az xəbər verir ki, bu gün daha iki matç keçiriləcək.
Günün ilk matçında "Səbail" "doğma divarlar" arasında "Kəpəz"i qəbul edəcək. Hazırda paytaxt klubu 12 xalla turnir cədvəlində sonuncu – 10-cu yeri tutur. Rəqibindən 2 xal artıq toplayan Gəncə klubu isə 9-cu pillədə qərarlaşıb.
"Kəpəz" qalib gələcəyi halda, yeganə izləyicisi ilə xal fərqini 5-ə qaldıracaq. "Səbail" uğur qazanacağı halda isə "Kəpəz"i 1 xal geridə qoymaqla 9-cu pilləyə yüksələcək.
Qeyd edək ki, cari mövsümdə bu iki komanda arasında baş tutan əvvəlki iki oyunlarda tərəflər hərəyə 1 qələbə qazanıblar. İlk dövrədə "Səbail" rəqibini 4:0 hesabı darmadağın edib. İkinci dövrədə isə üstün tərəf "Kəpəz" olub - 1:0.
Misli Premyer liqası
III dövrə, XX tur
16:00. "Səbail" - "Kəpəz"
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev
VAR: Tural Qurbanov
AVAR: Elşad Abdullayev
Hakim-inspektor: Rəhim Həsənov
AFFA nümayəndəsi: Emin Cəfərov
Bakı. "ASCO Arena"
